GŴYL FFILM WOW
GWNAED YNG NGHYMRU
Mae Rhaglen Ffilmiau Byrion Rhyngwladol Gŵyl Ffilm WOW 2025 yn daith sinematig 94 munud hudolus sy’n mynd y tu hwnt i ffiniau a safbwyntiau. Mae’r casgliad bywiog hwn yn arddangos naw ffilm fer ryfeddol gan grewyr gweledigaethol ar draws y byd. Gall cynulleidfaoedd ddisgwyl adrodd straeon pwerus a disgleirdeb artistig gan wledydd fel Periw, Irac, Pacistan, Tsieina, Indonesia, a Chile, gan gynnwys ffilm animeiddiedig o'r DU sy'n ymroddedig i holl blant Gaza.
Indai Apai Darah
Kynan Tegar, Indonesia, 2024, 14'55'', Iban gydag isdeitlau Saesneg
Mae merch ifanc sy'n cael ei magu yng nghoedwigoedd brodorol canolbarth Borneo yn dilyn cysylltiadau hynafol er mwyn ennill stori fel anrheg- brwydr ei Phobl ym 1973 i warchod eu tiroedd ymysg datgoedwigo rhemp.
Molokhiya
Habiba Hassaan, UDA, 2024, 2'34'', Arabeg gydag isdeitlau Saesneg
A hithau wedi’i dal mewn corwynt o ansicrwydd, mae gwraig o’r Aifft yn mynd ar daith i ailgysylltu â’i gwreiddiau.
Hard Boiled Eggs
Yi Meng, UDA, 2024, 13', Tsieinëeg gydag isdeitlau Saesneg
Mae Yu, merch Americanaidd Tsieineaidd 10 oed, yn casáu wyau wedi'u berwi'n galed, yn rhannol oherwydd bod ei mam yn gwneud iddi eu bwyta fel y brecwast gorfodol. Pan mae’n dechrau amau anffyddlondeb ei mam, mae'n rhuthro i ymchwilio; ond mae realiti llymach yn ei disgwyl.
I Walk While Glaciers Melt
Lucia Lambarri Barberis, Periw, 2024, 9', Saesneg, Cetshwa, Sbaeneg gydag isdeitlau Saesneg
Mae cyfuniad o animeiddio ac actio byw yn archwilio tirweddau, defodau a thrawsnewidiad yr Andes, gan gwestiynu moderniaeth a'n lle mewn oes o rewlifoedd yn toddi.
Don't be late, Myra
Afia Serena Nathaniel, Pacistan, 2024, 15', Wrdw gydag isdeitlau Saesneg
Wedi’i hysbrydoli gan ddigwyddiadau go iawn yn Lahore, rhaid i Myra, sy’n 10 oed, ddod o hyd i’w ffordd adref ar ôl colli ei fan ysgol. Mae'r ffilm gyffro fer yn cymryd tro tywyll wrth i Myra orfod osgoi dynion sy'n ei haflonyddu ar y strydoedd.
Two Less
Taroa Zuñiga Silva, Carlos Zerpa, Chile, 2024, 8', Sbaeneg gydag isdeitlau Saesneg
Mae dwy fenyw fudol, Joanne a Beatriz, yn adrodd am eu bywydau, eu breuddwydion, a'u marwolaethau yng nghyfundrefn ormesol Chile. A oes unrhyw beth wedi newid mewn 44 mlynedd?
Dear Child II
Devin Peters, y DU, 2024, 9'33', Saesneg
A hithau wedi’i hysgrifennu fel llythyr at blentyn yn Gaza gan yr awdur gwobrwyedig Pullitzer Chris Hedges, mae hon yn daith deimladwy a realistig drwy Gaza yr oes sydd ohoni o safbwynt plentyn, wedi’i thrwytho ag euogrwydd newyddiadurwr tramor sy’n codi uwchlaw’r sgrin.
Talisman
Karar Hayder, Irac, 2024, 7'45'', Arabeg gydag isdeitlau Saesneg
Yn ei hymgais olaf, mae'r ferch wledig Sabreen yn ceisio cael talismon a fydd yn rhoi’r gallu iddi feichiogi, er mwyn cadw ei phriodas Iracaidd draddodiadol.
A Summer's End Poem
Lam Can-zhao, Tsieina/y Swistir/Malaysia, 2024, 15', Tsieineaidd, Min Nan gydag isdeitlau Saesneg
Ychydig cyn diwedd gwyliau’r haf, mae bachgen cefn gwlad yn gwario ei gynilion ar ei freuddwyd, sef cael steil gwallt y ddinas – gyda chanlyniadau syfrdanol. Stori am ffarwelio â phlentyndod a diwedd barddonol yr haf.