GŴYL FFILM WOW
DIGWYDDIADAU
Abercon 2025
Abercon yw confensiwn anime cynhwysol Gorllewin Cymru. Mwynhewch animeiddiadau hardd ar y sgrin fawr, gweithdai galw heibio gwych, stondinau ffantastig ac wrth gwrs, y gystadleuaeth COSPLAY!
Thema eleni yw "Masquerade" felly gwisgwch eich gwisgoedd gorau ac ymunwch â ni am ddiwrnod o gymuneda dathlu.
Dyddiad ac Amser:
Canolfan y Celfyddydau Aberystwyth,
Sad 29/03, 10am-5pm
'Hakkı' + Holi ac Ateb y Cyfarwyddwr
Bydd y Cyfarwyddwr Hikmet Kerem Özcan yn teithio’r holl ffordd o Dwrci ar gyfer Premiere y DU o'i ffilm Hakkı, ac yn ymuno â ni am sesiwn holi ac ateb fyw i siarad am ei ffilm a'i waith.
Bywgraffiad y Siaradwr:
Yn hanu o Izmir, Twrci, dechreuodd Hikmet Kerem Ozcan ar ei daith sinematig yn adran Sinema-Teledu, Prifysgol Celfyddydau Cain Mimar Sinan. Yno, dan arweiniad ffigurau enwog byd Sinema Twrci, aeth ati i fireinio ei sgiliau a meithrin ei frwdfrydedd dros wneud ffilmiau. Ac yntau wedi’i ysbrydoli gan stori blentyndod o’i bentref, mae ffilm nodwedd gyntaf Ozcan, Hakkı, yn ymchwilio i’r cydbwysedd cywrain rhwng ffortiwn a chanlyniad. O fewn y cydbwysedd hwnnw, fe aeth y cyfarwyddwr ati i archwilio sut y gall posibiliadau bywyd drawsnewid ffawd yn gyflym, er gwell neu er gwaeth. Wedi'i ysgogi gan awydd i fynd i’r afael â’r thema ddwys hon, creodd Ozcan Hakkı fel archwiliad sinematig o'r cydbwysedd cain rhwng cyfle a pherygl.
Dyddiad ac Amser:
Canolfan y Celfyddydau Aberystwyth, Mer 02/04, 7.45pm
'Diwrnod Ecosinema' yn Yr Egin
Ar ail ddiwrnod yr ŵyl yn Yr Egin (25/03), byddwn yn cynnal gweithdai yn ogystal â dangos rhai ffilmiau anhygoel, i nodi Diwrnod Ecosinema.
Cofrestrwch yma am le yn ein gweithdai / trafodaethau, a dilynwch y linciau isod i archebu tocyn i wylio'r ffilmiau.
__________________
Dyma syniad o sut y bydd 'Diwrnod Ecosinema' yn rhedeg:
9.45am: Cychwyn y diwrnod gyda chyflwyniad gan Gruffydd Wyn Roberts (Cydlynydd Digwyddiadau a Phrosiectau) yn Yr Egin.
10am Ffilm: The Waste Commons - Bydd angen i chi brynu tocyn ar gyfer gwylio y ffilm hon.
11am: Trafodaeth - Cyfle i drafod beth sy'n poeni pobl am yr afon yn Sir Gaerfyrddin.
11.30am Ffilm: Rave on The Avon + Sesiwn Holi ac Ateb gyda Charlotte Sawyer - Bydd angen prynu tocyn ar gyfer gwylio y ffilm yma.
1.30-2.30pm: Cinio a thrafodaeth.
*Dewch â chinio gyda chi, neu mae gennym gaffi ar y safle
2.30-4pm: Gweithdy 'Hiraethu am Afon' dan ofal Rebecca Kelly - WORK | rebecca-wyn-kelly
4.30pm Ffilm: The Battle For Laikipia -Bydd angen i chi brynu tocyn ar gyfer y ffilm hon.
'The Teacher' + Holi ac Ateb y Cyfarwyddwr
Mae’n anrhydedd i ni groesawu Farah Nabulsi, cyfarwyddwr The Teacher i ymuno â ni ar gyfer sesiwn holi ac ateb ar-lein ar ôl dangos y ffilm yn Aberystwyth ac Abergwaun.
Bywgraffiad y Siaradwr:
Mae Farah Nabulsi yn wneuthurwr ffilmiau Palesteinaidd-Prydeinig a gafodd ei henwebu am Wobr yr Academi® ac sydd wedi ennill BAFTA®. Yn 2016, dechreuodd weithio yn y diwydiant ffilm fel awdur a chynhyrchydd ffilmiau ffuglen. Cafodd ei ffilm fer gyntaf, Today They Took My Son, ei chymeradwyo gan y cyfarwyddwr Prydeinig Ken Loach a’i dangos yn y Cenhedloedd Unedig. Perfformiwyd The Present, y ffilm gyntaf a gyfarwyddwyd ganddi, a wnaeth hefyd ei chyd-ysgrifennu a’i chynhyrchu, am y tro cyntaf yng Ngŵyl Ffilmiau Byrion Rhyngwladol Clermont-Ferrand yn 2020 gan ennill Gwobr y Gynulleidfa am y Ffilm Orau. Aeth ymlaen i ennill dros 60 o Wobrau Beirniaid a Chynulleidfa mewn Gwyliau Ffilm Rhyngwladol, gwobr BAFTA®, a chafodd ei henwebu am Oscar®. Cafodd The Teacher, sef ffilm nodwedd gyntaf Farah fel cyfarwyddwr, ei Phremiere Byd-eang yng Ngŵyl Ffilm Ryngwladol Toronto 2023. Cafodd ei Phremiere MENA yng Ngŵyl Ffilm Ryngwladol y Môr Coch yn Jeddah, Saudi Arabia, lle enillodd wobr yr Actor Gorau a phrif Wobr y Beirniaid. Mae gwraig wydn o Giwba yn llywio cymhlethdodau bywyd yn ystod y cyfnod chwyldroadol, gan gydbwyso gwaith mewn ffatri decstilau, dyletswyddau cartref, bod yn fam, a chymryd rhan mewn criw dawnsio gwerin.
Dyddiad ac Amser:
Canolfan y Celfyddydau Aberystwyth,
Gwe 28/03, 6.15pm
Theatr Gwaun, Sad 29/03, 6.30pm
'All Shall Be Well': Sgwrs Gydag Aberration Cymru
Cynhelir y dangosiad hwn ar y cyd gydag Aberration (digwyddiadau celfyddydol a chymunedol LGBTQ+ yn Aberystwyth). Ar ôl y ffilm, bydd cyfle i sgwrsio am y themâu sydd wedi codi.
Croeso i bawb!
Dyddiad ac Amser:
Canolfan y Celfyddydau Aberystwyth, Sad 29/03, 5pm
'Satu - Year of the Rabbit' + Holi ac Ateb y Cyfarwyddwr
Mae’n bleser gennym groesawu’r cyfarwyddwr Joshua Trigg i drafod ei ffilm nodwedd wobrwyedig Satu - Year Of The Rabbit gyda ni, ac i gymryd unrhyw gwestiynau sydd gan gynulleidfa WOW.
Bywgraffiad y Siaradwr:
Ac yntau wedi’i eni yn Llundain ym 1988 a'i fagu ym mynyddoedd De Cymru, dechreuodd Joshua Trigg wneud ffilmiau yn 8 oed, gan grefftio ffilmiau rhyfel a ffilmiau byrion gorllewinol gyda'i ffrindiau. Ar ôl astudio ffilm, lansiodd ei gwmni cynhyrchu tra’n byw mewn cwpwrdd mewn siop gitârs yn Soho, gan fireinio ei grefft yn ardal ffilmiau Llundain. Dros y degawd diwethaf, mae wedi gweithio ar draws Asia gyda chleientiaid mawr fel Singapore Airlines a The Rolling Stones. Mae ei ffilm nodwedd gyntaf sy’n gymwys ar gyfer BAFTA, Satu -Year of the Rabbit, yn garreg filltir yn ei yrfa ac mae wedi ennill sawl gwobr, gan gynnwys y Sgript Ddramatig Wreiddiol Orau yng Ngŵyl Ffilm Ryngwladol Houston.
Dyddiad ac Amser:
Pontio, Gwe 21/03, 7.15pm
Yr Egin, Llun 24/03, 7pm
Canolfan y Celfyddydau Aberystwyth,
Gwe 04/04, 5.30pm
'Rave on For the Avon' + Holi ac Ateb y Cyfarwyddwr
Ymunwch â ni am sgwrs gyda chyfarwyddwr Rave On For The Avon, Charlotte Sawyer, i ddysgu mwy am sut aeth ati i wneud ei 'joyous documentary about Bristol’s clean water campaigners' The Guardian).
Bywgraffiad y Siaradwr:
Mae Charlotte Sawyer yn Wneuthurwr Ffilmiau Dogfen sydd wedi ennill gwobrau ac sy’n dal straeon sinematig sy’n croesi diwylliannau a ffiniau. Gyda Gradd Dosbarth Cyntaf yn y Gyfraith a Theatr Gymunedol, mae Charlotte yn cyfuno eiriolaeth gymunedol a sgiliau hwyluso gyda gwneud ffilmiau i gyfleu teithiau dynol-ganolog. Am y pedair blynedd ar ddeg diwethaf mae Charlotte wedi meithrin ymddiriedaeth gyda chyfranwyr mewn parthau gwrthdaro ac ardaloedd sy'n agored i newid yn yr hinsawdd, yn bennaf Irac, Ethiopia a Nigeria.
Fel Cyfarwyddwr, mae Charlotte wedi creu rhaglenni dogfen a ddefnyddir ar gyfer eiriolaeth gydag Oxfam Iraq yn 2019. Roedd ei rhaglen ddogfen gerddoriaeth Freedom to Remix yn dal ysbryd annibyniaeth Taiwan mewn cerddoriaeth ar restr fer gwobrau ARCH 2021. Rave On For the Avon yw ei rhaglen ddogfen hyd nodwedd gyntaf, ac enillodd Wobr Teilyngdod Cynaliadwyedd Gŵyl Sgrîn Gwyllt 2024.
Dyddiad ac Amser:
Yr Egin, Maw 25/03, 11yb
Canolfan y Celfyddydau Aberystwyth, Sul 30/03, 5pm
'The Walk' + Holi ac Ateb y Cynhyrchydd
Yn dilyn dangos The Walk yn Aberystwyth a Chaerfyrddin cynhelir sesiwn holi ac ateb gyda chynhyrchydd Cymreig y ffilm, Harri Grace.
Bywgraffiad y Siaradwr:
Mae’r cynhyrchydd gwobrwyedig Harri Grace yn gweithio ym meysydd rhaglenni dogfen a ffuglen, ac yn arbenigo mewn adrodd straeon cymhleth sy’n deillio o rai o’r amgylcheddau mwyaf heriol y mae Grain Media yn gweithio ynddynt. Mae ei waith diweddar yn cynnwys y rhaglen ddogfen nodwedd Convergence: Courage, In A Crisis ar gyfer Netflix, yn ogystal â Lost and Found ac Into the Fire.
Dyddiad ac Amser:
Yr Egin, Llun 24/03, 5pm
Canolfan y Celfyddydau Aberystwyth, Iau 03/04, 5.30pm
Ffilmiau Byrion 'Made in Wales':
a Sgwrs gyda’r Gwneuthurwyr Ffilmiau
Dewch i wylio rhai o'r ffilmiau byrion 'Made in Wales' gorau oll gan wneuthurwyr ffilmiau dawnus Cymreig/sy’n byw yng Nghymru ac arhoswch am sgwrs fach gyda nhw ar ôl i’w ffilmiau cael eu dangos.
Dyddiad ac Amser:
Yr Egin, Llun 24/03, 5pm
Theatr Gwaun, Sad 29/03, 4pm
Canolfan y Celfyddydau Aberystwyth, Iau 03/04, 2.30pm
'The Waste Commons' + a Thrafodaeth Ford Gron
Bydd dangosiad The Waste Commons yn cael ei gyflwyno gan Dr Armelle Blin-Rolland (Darlithydd mewn Astudiaethau Ffrangeg ac arweinydd y prosiect 'Greening Modern Languages'). Ar ôl y dangosiad, bydd bwrdd crwn ôl-ffilm gan ymchwilwyr Ieithoedd a Diwylliannau Modern Prifysgol Bangor yn dilyn, fel rhan o'r modiwl 'Ieithoedd ac Ecolegau'.
Croeso i bawb!
Bios Siaradwyr:
-
Mae Dr Silvia Bergamini yn Ddarlithydd mewn Astudiaethau Eidalaidd, yn arbenigo mewn Astudiaethau De Eidaleg a diwylliannau gwaredu gwastraff yn Napoli.
-
Mae Dr Armelle Blin-Rolland yn Ddarlithydd mewn Astudiaethau Ffrangeg ac yn Arweinydd 'Greening Modern Languages', prosiect cydweithredol sy'n ailfeddwl rôl ymchwil ac addysgu Ieithoedd Modern wrth ddatblygu dinasyddiaeth ecolegol.
-
Mae’r Athro Helena Miguélez-Carballeira yn Athro mewn Astudiaethau Sbaenaidd ac yn olygydd Postcolonial Spain: Coloniality, Violence, Independence (Gwasg Prifysgol Cymru, 2024).
-
Mae Dr Sarah Pogoda yn Uwch Ddarlithydd mewn Astudiaethau Almaeneg ac yn arbenigwr mewn celf gymdeithasol yng Nghymru.
Dyddiad ac Amser:
Pontio, Gwe 21/03, 5.30pm